Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а најверојатно полесен за правење. Зошто да не го пробате?
Ако сакате еклери, особено домашни, наместо да се мачите со нивната подготовка, можете да ја забрзате и поедноставите постапката ако направите еклер ролат.
Овој „џиновски еклер“ се топи во устата, а ќе ги изненадите и гостите и домашните со новата варијанта на омилениот кремаст десерт.
Потребни состојки:
За кремот:
- 800ml млеко
- 1 жолчка од јајце
- 115g шеќер
- 70g брашно
- 40g нишесте
- 2 полни лажици путер или маргарин
- 1 пакетче ванила
- 1 мала шолја ладно млеко
- 1 пакетче шлаг
За тестото:
- 100g путер или маргарин
- 10g шеќер (една лажичка)
- 1 прстофат сол
- 200ml вода
- 1 пакетче ванила
- 125g брашно
- 4 јајца
За преливот:
- 100g млечно чоколадо
- 100g темно чоколадо
- + 25g бело чоколадо за декорација
Начин на подготовка:
- Почнете од кремот - ставете ги шеќерот, жолчката од јајцето, млекото, брашното и нишестето во тенџере.
- Гответе мешајќи постојано, додека не се згусне во убав, мазен крем.
- Додека кремот е сè уште топол, додадете ванила и путер и мешајте за да се растопат.
- Покријте го кремот со пластична фолија и ставете го во фрижидер да се олади.
- Во меѓувреме, изматете го кесичето шлаг со чаша ладно млеко додека не се згусне.
- Откако кремот целосно ќе се олади, прво изматете го еднаш со миксер, потоа додајте го подготвениот шлагот и повторно матете за да се спојат убаво.
- За да го направите тестото, ставете ги водата, путерот, солта, шеќерот и ванилата во тенџере и почекајте да дојдат до точка на вриење.
- Пред водата да почне да клокоти, додадете го брашното и мешајте без престан.
- Кога ќе се соедини и ќе се формира тесто, се меша на шпоретот уште околу 3-5 минути, па тестото се остава да се олади.
- Во изладеното тесто се додаваат јајцата едно по едно и се мешаат со миксер.
- Кога целосно ќе се измеша и ќе стане лепливо, тесто се распоредува рамномерно на плех обложен со хартија за печење, а врз него се поминува со виљушка (како во видеото).
- Се пече во претходно загреана рерна на 180 степени околу 40-45 минути.
- По ова време, оставете го испеченото тесто во топлата рерна околу 25-30 минути без да ја отворите вратата од рерната.
- Потоа извадете го од рерна, навлажнете ја хартијата за печење и отстранете ја од тестото.
- Ставете го кремот и формирајте ролат со притискање, за убаво да се залепат тестото и кремот.
- На крај стопете ги црното и млечното чоколадо и со смесата прелејте го ролатот.
- Декорирајте со стопено бело чоколадо.
Видео постапка:
А. Ј. | Црнобело
Би можело да ве интересира:
Ролат со афион и ореви како во детството кај баба, по рецепт на нашиот Dave’s Kitchen
Дали и вас овој колач во вид на ролат со фил од афион и ореви ве потсетува на бе...
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Здрав посен десерт готов за 10 минути – кога ќе кризирате за благо
Додека постите, ако закризирате за нешто благо, ви требаат само три состојки за ...
Посно гравче со спанаќ и домати - вкусен ручек што ќе го обожаваат сите
Постојат две опции да го подготвите овој рецепт - првата е да го оставите гравче...
Турски рецепт за раванија со кокос, десерт за целото семејство
Љубителите на раванија или на колачите со шербет без сомнение ќе уживаат во овој...
Препорачуваме
Најчитани неделава
