Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте јаделе ли некогаш бугаца?
Кори премачкани со путер, полнети со крем од гриз, сервирана топла со шеќер во прав и цимет - грчката бугаца има вкус на кој не може да му се одолее.
Ако сте ја јаделе додека сте на одмор, или ја избирате како појадок кога и да сте во Грција, зошто да не пробате да ја направите дома самите и да го израдувате и семејството?
Потребни состојки:
За кремот:
- 1 литар полномасно млеко
- 120g гриз
- 130g кафеав шеќер
- 1 лажичка екстракт од ванила
- 50g несолен путер
- 2 јајца
- Kора од 1 лимон
За основата:
- 15 листови готови кори (не многу тенки)
- 200g несолен путер, растопен
За сервирање:
- Шеќер во прав
- Цимет
Начин на подготовка:
- Загрејте го млекото со кафеавиот шеќер и ванилата во длабок сад на средна температура.
- Додека млекото се загрева, изрендајте ја кората од лимон и лесно изматете ги јајцата.
- Во млекото постепено додавајте го гризот, со постојано мешање, додека кремот не се згусне.
- Тргнете го садот од оган, па додајте го путерот и мешајте додека целосно не се растопи.
- Ставете ја кората од лимон, а на крајот многу полека додадете ги изматените јајца, и мешајте без престан додека кремот не стане мазен и густ.
- Покријте го тенџерето со капак за да спречите да се создаде кора, па оставете го на работната површина за малку да се олади.
- Не го ставајте во фрижидер - кремот треба да остане топол или млак.
- Тавата во која ќе ја печете бугацата обилно премачкајте ја со путер.
- Ставете еден лист кора на работната површина и премачкајте ја со путер. Врз неа ставете друга кора, па и неа премачкајте ја со путер.
- Повторувајте додека не добиете 4 наредени намастени листови.
- Петтата кора ставете ја во центарот, превиткајте ја на четири дела и врз неа ставете ⅓ од кремот (како во видеото).
- Превиткајте ги страните од останатите кори навнатре за да го затворите филот, формирајќи правоаголна форма. Префрлете ја готовата бугаца во тавата за печење.
- Повторете ја постапката уште двапати, за да добиете вкупно три бугаци.
- Печете во претходно загреана рерна на 180°C околу 1 час, или додека не добие златна боја и не стане крцкава.
- Оставете да отстојат 10 минути, исечете ги на парчиња и обилно наросете ги со шеќер во прав и цимет.
- Сервирајте ја бугацата топла.
Видео постапка:
А. Ј. | Црнобело
Би можело да ве интересира:
Брза пита со готови кори - им успева и на тие што не се вешти во кујна
Ако сте од оние жени (или мажи) што не се многу вешти во кујна, а сепак ви се ја...
Во кујна со Весна од Кичево: Домашна пита со праз и сукани кори
Сукано тесто без квасец, пита што се подготвува многу лесно, по рецептот на Маке...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Летен чоколаден колач – се прави во тава, нема печење и нема шанси да не ви се погоди
Во летниот период, кога не ви се поминува многу време во кујна – само измешајте ...
Во кујна со Катарина Ивановска - Рецепт за боранија со јунешко, манџа што ја обожаваат нејзините дец...
„Децата јадат буквално сè, а најмногу им се допаѓаат моите манџи. Мајка ми ...
Препорачуваме
Најчитани неделава
