Рецепт за кремасто орзо со пилешко и лимон
Ако досега не сте ги вклучиле орзо тестенините во своето мени, ви предлагаме да ги пробате во комбинација со лимон и пилешко месо - нема да се покаете.
Орзо се тестенини кои визуелно потсетуваат на ориз (оттаму и името), но имаат вкус на класични тестенини.
Може да се купат и во маркетите кај нас (а можеби сте ги виделе и во Lidl).
Овој пат ви нудиме рецепт за кремасто орзо, со комбинација со лимон и пилешки гради... вкусно, прсти да излижеш!
Потребни состојки:
- 1 парче пилешки гради
- Сол, бибер, лук во прав (за да го зачините пилешкото)
- 2,5 шолји орзо
- ¼ шолја бело вино
- 2 лажици сечкан кромид
- 3 чешниња чук (ситно сечкан)
- 2 шолји пилешка супа (направете ја од пилешка коцка или сварете пилешка супа, а потоа процедете ја само течноста)
- 1/3 шолја неутрална павлака
- Сок од ½ лимон
- 1,5 лажици свеж магдонос
- ½ шолја пармезан
Начин на подготовка:
- Зачинете го пилешкото со сол, бибер и лук во прав (по вкус).
- Загрејте ја тавата за пржење на среден оган, па испржете ги пилешките гради (додека убаво не поруменат) на многу малку масло. Кога ќе бидат готови тргнете ги на страна.
- Во истото масло додајте ги лукот и кромидот исечкани на многу ситни парченца, а штом малку се запржат, прелијте ги со белото вино.
- Во смесата додајте ја и пилешката супа и штом почне да врие, ставете го и орзото.
- Гответе со повремено мешање околу 8-10 минути (или според упатството на пакувањето).
- Кога орзото ќе биде сварено, додадете ги неутралната павлака, сокот од лимон и ренданиот пармезан.
- Најгоре ставете го пилешкото, декорирајте со свеж магдонос и послужете го додека е топло.
Бонус видео:
А. Ј. | Црнобело
Би можело да ве интересира:
Рецепт за божиќни путер колачиња
Внесете ја празничната магија во вашиот дом и нека замириса на превкусни путер к...
Рецепт за брзи лиснати ролнички со сланина
Ако ви се најават гости или сакате да зготвите нешто брзо за ужинка за домашните...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Посна проја со праз - рецепт кој им успева на сите
Ако сте љубител на проја, а постите - пробајте го овој рецепт кој е лесен за под...
Рецепт за мекици, од домашниот тефтер на мајките и бабите
Ако сте љубител на мекици, не мора да чекате да се роди ново бебе, може да си ги...
Сочно пилешко во сос од сенф и кари
Ако немате идеја за ручек или сакате да зготвите нешто вкусно кога ќе поканите г...
Препорачуваме
Најчитани неделава
