Крофни полнети со крем и крцкав карамел, по француски рецепт
Вкусни, кремасти и крцкави - ќе ги обожавате овие крофни...
Љубител сте на крофни, но ви здодеаја класичните вкусови? Пробајте го овој интересен француски рецепт - микс од крем и крцкава глазура.
Потребни состојки:
За тестото:
- 500g брашно
- 75g шеќер
- 1 јајце
- 100g путер
- 100g млако млеко
- 1 пакетче сув квасец
- 1 ќесичка ванилин шеќер
- прстофат сол
За кремот:
- 500ml топло млеко
- 5 жолчки
- 40g шеќер
- 50g пченкарно брашно
- неколку капки ванила
- 100g путер
- 100g бело чоколадо
За преливот од карамел:
- 350g шеќер
- 2 лажици вода
Начин на подготовка:
- Во длабок сад ставете ги сите состојки за тестото и мешајте додека не добиете мазно, малку лепливо тесто.
- Покријте го садот и оставете го да отстои околу еден час додека не се удвои во волумен.
- Во меѓувреме почнете со подготовка на кремот - во длабоко тенџере ставете ги жолчката, пченкарното брашно, ванилата и шеќерот, па додадете го топлото млеко и мешајте да се спојат.
- Смесата варете ја на средна температура, без престан, за да не се направат грутки и да не загори.
- Кога кремот ќе згусне, тргнете го тенџерето од оган, додадете ги путерот и белото чоколадо, па спојте ги.
- Оставете го кремот да се излади.
- Извадете го тестото од садот во кој стоело, расукајте го и со модла (или чаша) направете крофни.
- Ставете масло во тавче и кога ќе се загрее, пржете ги крофните со вртење на двете страни.
- Пржените крофни тргнете ги на страна да се оладат (може да ги ставите врз хартија за да се упие вишокот масло).
- Кога ќе бидат убаво изладени, со шприц за торти наполнете ја секоја крофна.
- На крај подгответе ја глазурата - во тенџере на средна температура загрејте ги шеќерот и водата и нежно протресувајте додека не се формира карамелот.
- Внимателно потопувајте ја секоја крофна во жешкиот карамел, па оставете настрана да се олади, а глазурата да стане крцкава.
Видео постапка:
А. Ј. | Црнобело
Би можело да ве интересира:
Рецепт за божиќни путер колачиња
Внесете ја празничната магија во вашиот дом и нека замириса на превкусни путер к...
Рецепт за брзи лиснати ролнички со сланина
Ако ви се најават гости или сакате да зготвите нешто брзо за ужинка за домашните...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Рецепт за најубавите домашни принцес крофни
Принцес крофните се подготвуваат толку безо и лесно, што ако ги направите еднаш,...
Рецепт за мекици, од домашниот тефтер на мајките и бабите
Ако сте љубител на мекици, не мора да чекате да се роди ново бебе, може да си ги...
Посна проја со праз - рецепт кој им успева на сите
Ако сте љубител на проја, а постите - пробајте го овој рецепт кој е лесен за под...
Препорачуваме
Најчитани неделава
