Направете вкусна мусака со модри домати, по грчки рецепт
Ако сте расположени за традиционален ручек, но ви се здосадени секојдневните рецепти, пробајте оригинална грчка мусака.
Сигурно грчката мусака многупати сте ја гледале на менијата во рестораните на летен одмор, но ретко кој се одлучува да ја избере наместо морските специјалитети или месото.
Но, доколку сте љубител на традиционални јадења, можете дома да пробате да направите мусака по грчки рецепт.
Ќе направите мала промена од секојдневните ручеци, а сепак ќе вкусите нешто ново.
Потребни состојки:
- 2 големи модри домати, исечени по должина
- Маслиново масло
- 4 компири, излупени и исечени
- 1 голем кромид, ситно исечкан
- 2 чешниња лук, истолчени
- 750g мелено јагнешко месо (може и јунешко како замена)
- Оригано, црвен пипер, бибер
- 2 лажички цимет
- Чаша црвено вино
- 600ml доматно пире (густо, со пасирани домати)
- 75g путер
- 75g брашно
- 600ml млеко
- 2 јајца
Начин на подготовка:
- Загрејте ја рерната на 190 степени Целзиусови, со вентилатор.
- Прв дел: Премачкајте ги парчињата модар домат со маслиново масло и посолете ги, па наредете ги во плех на хартија за печење (во еден слој, не едно врз друго).
- Печете ги модрите домати околу 30-40 минути, додека не добијат златеста нијанса.
- Втор дел: Сварете ги компирите во зовриена, солена вода, но немојте да ги преварите, а потоа исцедете ги.
- Трет дел: Испржете го во тава кромидот на малку масло додека да омекне, а потоа додадете го лукот. За помалку од минута, додадете го месото и убаво запржете го и иситнете го.
- Додадете ги зачините, циметот, виното, доматното пире, зачинете со сол и бибер и оставете да се прокрчка на рингла.
- Четврт дел: Загрејте го путерот во тава, просипете го брашното и гответе неколку минути.
- Постепено додавајте млеко, со постојано мешање додека да се добие мазна смеса како сос.
- Петти дел: Намалете ја рерната на 180 степени Целзиусови. Во огноотпорен сад за печење наредете ги испечените модри домати, компирите и месото во слоеви, па на крај завршете со модри домати.
- Изматете ги јајцата во белиот сос и истурете го преливот одозгора.
- Печете 30-40 минути додека да добие златно-кафеава боја.
- Оставете да отстои на собна температура 10-15 минути пред да пресечете големи коцки за сервирање.
Видео постапка која може да ви послужи (но држете се до рецептот според горенаведените чекори за подготовка):
M. M. | Црнобело / фото: depositphotos.com
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Препорачуваме
Најчитани неделава
