Рецепт за здраво мезе: Крцкава брокула со кашкавал
Ако немате идеја за здраво мезе, тогаш овој рецепт ќе ви се допадне. Згмечена брокула потпечена на основа од кашкавал - ќе барате парче плус.
Независно дали сте љубител на брокула или не ви е омилена, но сакате да ја консумирате, овој рецепт со сигурност ќе ви стане омилено мезе.
Се прави многу лесно, изгледа необично, а вкусот ќе ви остане во сеќавање долго после тоа.
Потребни состојки:
- 1 брокула со средна големина
- 200g моцарела и кашкавал (мешано и рендано)
- Зелени зачини
- Сол и бибер
Начин на подготовка:
- Загрејте ја рерната на 200 Целзиусови степени.
- Пресечете ја брокулата на 6 китки и сварете ја 10-15 минути додека малку не омекне. Исцедете ја и тргнете ја настрана.
- На плех со хартија за печење, ставете на 6 места од мешавината со сирење и кашкавал, во кружна форма и зачинете со зелени зачини одозгора.
- Врз тоа наредете по едно парче од брокулите, па со помош на дното од чаша или тегла, нежно згмечете го секое парче додека малку не се израмни и да се залепи за кашкавалот.
- Зачинете ги брокулите со сол и бибер по вкус, па одозгора ставете уште малку од мешавината со кашкавал за да биде уште покрцкава.
- Ставете да се печат 15-20 минути, додека кашкавалот добие златна боја и да стане крцкав.
- Послужете ги крцкавите брокули топли со бел сос за макање по желба.
М. М. | Црнобело
Би можело да ве интересира:
Рецепт за божиќни путер колачиња
Внесете ја празничната магија во вашиот дом и нека замириса на превкусни путер к...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Рецепт за брзи лиснати ролнички со сланина
Ако ви се најават гости или сакате да зготвите нешто брзо за ужинка за домашните...
Посна проја со праз - рецепт кој им успева на сите
Ако сте љубител на проја, а постите - пробајте го овој рецепт кој е лесен за под...
Рецепт за најубавите домашни принцес крофни
Принцес крофните се подготвуваат толку безо и лесно, што ако ги направите еднаш,...
Рецепт за мекици, од домашниот тефтер на мајките и бабите
Ако сте љубител на мекици, не мора да чекате да се роди ново бебе, може да си ги...
Препорачуваме
Најчитани неделава
