Домашни варени ѓевречиња по рецепт на стружанката Драгица
Топли, крцкави, вкусни - кој може да им одолее на домашните варени ѓевречиња?
Во Фејсбук групата „Македонска софра“, во која нејзините членови секојдневно споделуваат бројни рецепти, Драгица од Струга откри дека подготвила варени ѓевречиња.
Во пресрет на викендот, го споделуваме со вас нејзиниот рецепт и можеби ќе ве мотивираме да ги направите и вие дома овие вкусни ѓевречиња.
Потребни состојки:
За тестото:
- 550g брашно
- 1,5 лажичка квасец
- 1 лажичка сол
- 300ml топла вода
- 1 лажичка шеќер
- 2 лажици масло
За валкање:
- 80ml млака вода
- 1 лажица мед
- 2 ќесички сусам
Начин на подготовка:
- Од сите состојки се замесува тесто, кое не треба да се лепи.
- Се остава да стаса убаво (да се удвои), па се дели на точиња и од секое топче се прави по еден ѓеврек.
- Во длабока чинија се става 80ml млака вода и една лажица мед.
- Секое ѓеврече се става во водата, а потоа се валка во сусам, па се реди во подмачкан плех.
- Се оставаат да отстојат околу 15 минути, а потоа се печат на 200 степени Целзиусови околу 20 минути.
- Послужете ги толпи или кога ќе остинат, по ваша желба.
А. Ј. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Препорачуваме
Најчитани неделава
