Рецепт за ѓевречиња со спанаќ - идеални за сендвичи и како замена за леб
Ако не можете да се откажете од лебот, а сакате и да каснете вкусен сендвич за појадок или вечера, тогаш можете дома да направите печиво кое е многу поздрава варијанта на лебот.
Овој рецепт за домашни ѓевречиња со спанаќ е прилично лесен.
Дури и првпат да замесувате тесто, верувајте - не можете да го згрешите, само ако се водите од постапката и го погледнете видеото пред да почнете да ги подготвувате.
Потребни состојки:
- 250g брашно
- 150g грчки јогурт со висока количина на протеин
- 1 лажичка прашок за печиво
- 1 лажичка сол
- 5-6 топчиња замрзнат спанаќ
- 1 жолчка од јајце
- малку масло за полесно формирање на ѓевречињата
- сусам, мак, семки од тиква (по желба за посипување на ѓевречињата)
Начин на подготовка:
- Ставете го топчињата спанаќ на собна температура малку да се одмрзнат, а потоа изгмечете ги со виљушка.
- Во садот во кој е спанаќот додадете ги сите состојки (освен жолчката и семето за наросување).
- Замесете тесто кое не треба да е ни многу тврдо, но ни меко.
- Поделете го тестото на парчиња и обликувајте ги во вид на топчиња.
- Ставете малку масло на дланките пред да го земете секое топче, а потоа со прстот направете дупка во средината, за да добие форма на ѓеврек.
- Наредете ги ѓевречињата врз хартија за печење, премачкајте ги со изматената жолчка и наросете ги по желба.
- Печете на 180°C околу 20 минути.
Видео постапка:
А. Ј. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Препорачуваме
Најчитани неделава
