Потпечен модар патлиџан во доматен сос, по грчки рецепт

Почнува сезоната на модри патлиџани, а со тоа и некои од нашите омилени јадења - пржен модар патлиџан со лук и магдонос, или полнет модар патлиџан со мелено месо.

potpechen-modar-patlidjan-vo-domaten-sos-po-grchki-recept-01.jpg

Но дали некогаш сте го пробале грчкиот специјалитет на потпечен модар патлиџан со доматен сон?

Ова е лесен и вкусен оброк, кој може да го послужите и како главно јадење или како прилог со храната, по ваша желба.

Потребни состојки:

2 средни модри патлиџани, исечени на половина по должина
2-3 лажици маслиново масло, за наросување
Сол и бибер по вкус

За сосот од домати:

400ml доматна паста или обичен доматен сос
80ml маслиново масло
4 чешниња лук, ситно исечкани
5 свежи листови босилек, исечкани
Сол и бибер, по вкус

За преливот:

150 g фета сирење, издробено

Начин на подготовка:

Модрите патлиџани исечете ги на половина по должина, па со нож сечете вкрстено по нив, внимавајќи да не ја исечете кожата (како во видеото).
Прелијте ги со маслиново масло, зачинете со сол и бибер.
Ставете ги модрите патлиџани врз хартија за печење во плех и печете на 180°C околу 45 минути (додека да омекнат и добијат златна боја).
Штом ќе ги извадите од рерната, нежно нагмечете ги со лажица за да направите вдлабнатини во кои ќе го ставите сосот.
За сосот од домати, најпрво загрејте го маслиновото масло во тава.
Додадете го лукот и пржете една минута, по што ќе го ставите сосот од домати, босилекот, солта и биберот.
Крчкајте 20 минути или додека да се згусне, а вишокот вода не испари.
Наполнете го секое парче модар патлиџан обилно со сосот од домати, а одозгора ставете издробено фета сирење.
Послужете ги топли, со крцкав леб или свежа салата.