Во кујна со Моника од Прилеп: Кинати пиперки со лук, зимница што ја обожава целото семејство
Кинетите црвени пиперки со лук и магдонос се вистински деликатес, зимница која ја обожаваат сите генерации. Овој пат, ни ги подготви Моника Пажеска, која за CRNOBELO.com го сподели својот рецепт.
Моника Пажеска од Прилеп, по професија фармацевт, обожава да готви.
А меѓу работите кои се наоѓаат често на нејзината трпеза, се и кинатите пиперки со лук, кои ги подготвува секоја есен, штом почнат да излегуваат црвените пиперки.
За читателите на CRNOBELO.com, таа го сподели својот рецепт, кој вели, е нешто што го обожаваат сите.
Како да ги подготвите?
Потребни состојки:
- 5kg црвени пиперки
- 1 главица лук
- 1 китка магдонос
- 1 чаша масло
- 1 (неполна) чаша оцет
- 1/2 чаша шеќер
- сол по вкус
Начин на подготовка:
- Се користи истата чаша за сите мерки, од 200ml.
- Пиперките се печат, лупат и се оставаат добро да се исцедат преку ноќ.
- Следниот ден, во големо тенџере се ставаат маслото и оцетот да зовријат, па во течоста се ставаат пиперките кои сте ги искинале со рака (ако сакате може да се исечкани).
- Се промешува, па се додаваат шеќерот, солта, како и лукот (исечкан на тенки ливчиња) и магдоносот кој ќе го исечкате ситно.
- Убаво да извријаат, околу 10 до 15 минути.
- Во меѓувреме, стоплете ги теглите во рерна (на 100 степени), па почнете да ги редите цепканите пиперки во нив.
- Додека ги полните теглите, помеѓу пиперките ставајте по малку од течноста што ја пуштиле во тенџерето каде што се препржувале.
- Затворете ги убаво, превртете ги наопаку за да бидете сигурни дека не тече од теглата и складирајте ги на суво и темно месо, додека да ја отворите теглата.
Повеќе фотографии:
©CRNOBELO.com Забрането преземање и копирање. Крадењето на авторски текстови е казниво со закон.
А. Ј. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Препорачуваме
Најчитани неделава
