Рецепт за компот од јаболка и крушки - Есенски деликатес за сите сетила
Кога времето почнува да заладува, еден од омилените мириси на многумина е мирисот на свежо сварен компот - без оглед дали е од дуњи, јаболка, со кора од портокал или цимет... Но, сте пробале ли комбинација од јаболка и круши?
Во тој момент домот почнува да мириса на есен, ни се појавува едно убаво чувство на топлина кое сакаме да трае.
А една од класичните комбинации на компот е од јаболка и круши - одличен есенски деликатес.
Идеален е за оние кои сакаат да избегнат тешки десерти, а во исто време да уживаат во благиот вкус.
Можете да го јадете топол или ладен, по желба.
Потребни состојки (за 4 порции):
- 3 средно големи јаболка
- 3 средно големи круши
- 1l вода
- 4-6 лажици шеќер (зависно од блажината на овошјето)
- 1 големо стапче цимет (не користете мелен цимет)
- 5-7 парчиња каранфилче
- ½ лимон (за свежина)
- По желба 1 кесичка ванилин шеќер или рендана кора од портокал
Начин на подготовка:
- Измијте го овошјето и ако сакате излупете ја кората (иако таа дава подобра боја и содржи хранливи материи).
- Отстранете ги семките и исечете ги јаболката и крушите на коцки или на парчиња од околу 2-3cm.
- Ако однапред го подготвувате овошјето, потопете го во млака вода со лимон, за да не потемни.
- Ставете ги водата, шеќерот, стапчето цимет и каранфилчето во длабок сад, па додадете го сокот од половина лимон.
- Вклучете ја ринглата на средна температура и оставете смесата да зоврие.
- Потоа, намалете ја температурата и гответе 5 минути, додека шеќерот целосно не се растопи.
- Прво додадете ги јаболката во врелата течност бидејќи јаболката се тврди и им треба подолго време да омекнат.
- Гответе ги околу 8-10 минути на тивок оган, па додадете ги крушите.
- Гответе сè заедно уште 5-7 минути. Овошјето е готово кога ќе омекне, но сепак ќе ја задржи својата форма (не смее да се распадне).
- Тргнете го садот од оган. Извадете го стапчето цимет и каранфилчето за да не стане вкусот премногу интензивен.
- Оставете го компотот да се олади на собна температура, потоа префрлете го во стаклен сад и чувајте го во фрижидер.
- Компотот е највкусен кога ќе отстои преку ноќ, бидејќи тогаш аромите на зачините целосно се комбинираат со овошјето.
А. Ј. | Црнобело
Би можело да ве интересира:
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Лиснато со јаболка со цимет - колачи со кои домот ќе замириса на есен
Топол дом, мирис на тазе испечен колач со јаболка и цимет. Има ли нешто што толк...
Вкусно летно рижото, со пилешко и лимон
Дури и храната што ја подготвувате вообичаено може да има поинаков шмек ако малк...
Кисели пиперки со павлака - Вкусна зимница готова за 20 минути
Пиперките во павлака се едно од оние јадења кои многу семејства со задоволство г...
Здрави Сникерс бомбици – се прават за 5 минути кога немате благо дома
Здрави енергетски бомбици кои се експлозија од вкусови кои потсеќаат на Сникерс ...
Препорачуваме
Најчитани неделава
