Куглоф колач со лимон - десерт што ќе ве освои од првиот залак
Овој сочен куглоф колач е комбинација од кисели и слатки вкусови, а верувајте, ќе ве освои од првиот залак.
На почеток можеби ќе ви се чини дека има многу работа (зашто освен тестото трењба да направите и шербет и прелив), но во реалноста овој колач се подготвува многу едноставно.
А комбинацијата од вкусови е одлична, па вреди да го пробате.
Забелешка: За подготовката на овој колач користете чаши од 200ml.
Потребни состојки:
- 3 јајца
- 1 чаша гранулиран шеќер
- Половина чаша растително масло
- 1 чаша млако млеко
- 2,5 чаши брашно
- 1,5 пакетчиња прашок за пециво
- 1 пакетче ванила
- 1 лажица мак
- рендана кора од 2 лимона (на крупно)
- Бело чоколадо (по желба)
За преливот:
- 1 чаша сок од лимон
- 1 чаша гранулиран шеќер
- 2 јајца
- 1 лажица нишесте
- 1 пакетче ванила
- 3 лажици путер
- 1 чаша ладна вода
Шербет за натопување:
- 2 чаши вода
- Половина чаша шеќер
- Сок од 2 лимона
Начин на подготовка:
- Прво направете го тестото - изматете ги јајцата со шеќерот, маслото, млекото кое треба да е млако.
- Додадете го брашното, а потоа и прашокот за пециво, пакетчето ванила.
- Кога сите состојки ќе се спојат, додадете го макот, ренданата кора од лимон и парчињата бело чоколадо (или чоколадни топчиња) и убаво измешајте.
- Смесата ставете ја во калап за куглоф колач, кој претходно сте со премачкале со масло.
- Печете на 180 степени околу 35-40 минути.
- Во меѓувреме подгответе го шербетот - водата и шеќерот варете ги околу 5 минути откако ќе почнат да вријат, за да стане смеса во форма на сируп.
- Кога ќе се олади, во шербетот се додава сокот од лимон.
- Испечениот колач прелијте го со шербетот додека е уште во калапот и оставете да остине.
- Кога ќе биде ладен, превртете го наопаку.
- Во меѓувреме направете го и преливот.
- Во длабок сад ставете ги сокот од лимон, шеќерот, јајцата, нишестето, пакетчето ванила и трите лажици путер.
- Ставете ги на тивок оган да се спојат и мешајте без престан.
- Кога смесата ќе биде густа, додадете и 1 чаша ладна вода, повторно промешајте, па преливот прецедете го низ цедалка за да нема грутчиња.
- Ставете го преливот врз колачот, а по желба, можете да го украсите со ливчиња бадеми, сечкани ореви или лешници.
Видео постапка:
А. Ј. | Црнобело
Би можело да ве интересира:
Колач со лимон и мак - Сочен и вкусен десерт, за целото семејство
Класичниот колач со мак можете да го подготвите во нова, посвежа варијанта - со ...
Лиснати кроасани со крем од ф’стаци - По првиот залак ќе барате уште
Кремот од ф’стаци последниве години се користи во многу различни рецепти, а мног...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Летен чоколаден колач – се прави во тава, нема печење и нема шанси да не ви се погоди
Во летниот период, кога не ви се поминува многу време во кујна – само измешајте ...
Мек колач со малини, вкус кој потсетува на детството кај баба
Потсетува на колачот со вишни што ви го подготвуваа бабите, но иако не е потполн...
Препорачуваме
Најчитани неделава
