Рецепт за домашна посна паштета – за деновите кога сакате да намачкате намаз на леб
Ако постите, а имате потреба од вкусен намаз за леб, кој ќе ви се најде во кое било време од денот имаме рецепт – паштета од грав, која е вкусна и хранлива истовремено.
За време на постите, барем во денешно време може да се најдат многу посни производи кои се вкусни и со кои ќе имате разновидна исхрана.
Но ако сакате да си направите нешто сами, од типот на вкусен намаз за на крцкаво лепче, имаме рецепт за вас.
Се прави од грав, а може да ви послужи за појадок или вечера, да ве засити, да внесете протеини, а притоа да уживате во вкусот.
Потребни состојки:
- 200g грав
- 2 главици кромид
- 1 морков
- 1 чешне лук (по желба може и повеќе)
- 50g ореви
- ½ лажичка црвен пипер
- ¼ лажичка мелен коријандер
- Сол и бибер по вкус
Начин на подготовка:
- Прелијте го гравот со вода и оставете го да кисне 8-10 часа, а потоа процедете го.
- Прелијте го со чиста вода и ставете го да се вари, па намалете ја температура и оставете да се крчка околу 1 час додека не омекне.
- Процедете ја течноста во друг сад, но оставете околу 100ml со гравот и изблендирајте додека не добиете мека и мазна смеса.
- На загреано масло пропржете ги ситно исечканите кромиди, морковот, , па кога ќе омекнат додадете ги оревите, лукот и зачините па крчкајте 2 минути.
- Потоа во блендерот со гравот, додадете го и зеленчукот, како и уште 50-60Ml од водата од гравот, па изблендирајте додека не се соедини.
- Ставете ја паштетата во сад што се затвара убаво и чувајте ја во фрижидер.
Втора верзија: доколку не сакате пржен зеленчук, во смесата со гравот во блендер може да додадете само лук и зачини, малку масло и вода од гравот и да блендирате додека не добиете хомогена смеса.
Видео постапка за втората верзија:
@milica_gvozdenovic Domaća pašteta od pasulja 🫘👌🏼😍 👩🏼🍳Sastojci: 🫘 pasulj 🧄 beli luk 🫒 maslinovo ulje 🍋 sok od limuna 🧂 so i biber Priprema i čuvanje: Čuvajte je u frižideru 🙈 – može da stoji do nedelju dana❣️ Savršeno kao namaz ili dodatak obroku 👌🏼 #veganfood #veganrecipe #post #biljnahrana #posnirecepti
♬ Sogni ancora - Piero Piccioni
М. М. | Црнобело
Би можело да ве интересира:
Препорачуваме
Најчитани неделава
