Предлог ручек за сите зафатени: Пица во нестандарден облик

И додека сте презафатени со тоа дали сите документи и задачи за денес ги предадовте сработени, стомакот полека ви се испразнува, а енергијата ви е на минимум.

Кога ќе стапнете дома после напорниот ден и не ви е ни на крај памет да готвите, имаме еден сочен пица сос кој може да ви послужи како брз и неодолив ручек.

Време за подготовка: 20-30 минути

Состојки:

• 1 лажица маслиново масло
• 1 мала главица кромид
• ½ kg мелено месо
• 1,5 лажица сушено оригано
• 1 лажица сол
• Доматен сос за пица
• 1,5 шолја изрендан кашкавал
• 1 леб исечкан на коцки

Подготовка:

Загрејте го маслото на тава, а потоа додајте го кромидот. Откако ќе зарумени, додајте го месото. Пржете 15тина минути, а потоа додајте го ориганото и солта.

Намалете ја температурата додека го додавате доматниот сос и добро мешајте.

На крај, кога сè ќе биде речиси готово, додадете го кашкавалот.

Послужете го сосот во длабок сад со леб исечкан на мали коцки.

Поздравете се со чистата маса и уживајте!