Ова е совршениот појадок за енергичен ден

Ако сакате да уживате во лесен и вкусен појадок кој ќе ви даде доволно енергија за почеток на работниот ден, испробајте ги овие рецепти.

Француски тост

Потребно ви е:

• 2 јајца, 50ml млеко,
• 2 лажици масло,
• 8 кришки леб за тост,
• 50g рендано сирење,
• 50g шунка,
• 50g пршута,
• 60g горгонзола

Подготовка: Изматете ги јајцата, посолете ги и додајте го млекото. Кришките леб потопете ги во течноста, па печете ги на загреано масло од двете страни.

Извадете ги кришките тост на хартиена салветка за да го впијат вишокот масло. На 4 кришки проросете половина од сирењето и прекријте го со шунка и пршута. Покријте го тостот со уште едно парче леб.

Преостанатото сирење и горгонзолата проросете ги врз тостовите, ставете ги во тава и печете 5 минути на 220 степени.

Освежувачки шејк за енергија

Потребно ви е:

• 1 мала краставица,
• 5 листови спанаќ,
• 1 јаболко,
• 1 лажица мелен ѓумбир,
• сок од 1 лимон,
• 1 лажица мед,
• 1 шолја вода

Подготовка: Краставицата и јаболката излупете ги, па сите состојки ставете ги во блендер. Мешајте додека не се соединат, а на крајот додадете ја водата и медот. Послужете со неколку коцки мраз.