6 брзи специјалитети со останатите велигденски јајца

Откако поминаа велигденските празници, си разменивте јајца со пријателите и никако да ги потрошите десетиците јајца кои ви останаа.

Ако веќе ви е досадно да ги јадете, а за да не ги фрлите, има 6 интересни и брзи рецепти кои може да ги направите и да ги изненадите домашните.

1. Пилешка салата

Потребно:

• 170 гр зелена салата
• 100 гр бело грозје
• 300 гр сварено бело месо
• 2 тврдо варени јајца

За прелив:

• 2 чаши јогурт
• 1 лажичка сенф
• ½ лажичка сув зачин
• 2 лажички мајонез

Подготовка:

Јогуртот, сенфот, зачинот и мајонезот измешајте ги добро. Измиените листови зелена салата наредете ги во плиток сад. Одозгора ставете насечкано бело месо и кругови варени јајца. Нафрлете од белото грозје и прелијте со претходно подготвениот прелив.

2. Салата Ница

Потребно:

• 1 варено јајце
• 1 домат
• 1 краставица
• 1 пиперка
• 1 конзерва туна
• 1 кромид
• неколку црни маслинки
• малку маслиново масло, лимонов сок, сол и бибер

Подготовка:

Јајцето и доматот исечете ги на парчиња, краставицата на коцки, пиперката на резанки, а кромидот на кругови. Измешајте го целиот зеленчук, зачинете со маслиново масло, лимонов сок, сол, бибер и додадете ги маслинките.

3. Француска салата

Потребно:

• 300 гр рокфорт сирење
• 2 јајца
• 3 домати
• 3 лажици грашок
• 3 главици кромид
• 4 лажици тартар сос
• 4 лажици павлака
• 1 лажичка сок од лимон
• 1 лажица јогурт

Подготовка:

Сирењето и јајцето исечкајте ги на коцки, ставете ги во чинија и додајте им го исечканиот домат, грашокот и кромидот. Помешајте го тартар сосот, павлаката, сокот од лимон и јогуртот, а потоа прелијте ја салатата. Оставете ја да отстои 1 час во фрижидер.

4. Салата со шунка и јајца

Потребно:

• 3 варени јајца
• 250 гр шунка
• 1 рендан морков
• 100 гр сварени макарони
• прелив од мајонез, павлака и сенф
• малку сол и бибер

Подготовка

Белките од јајцата исечкајте ги на коцки, жолчките изгмечете ги и помешајте ги со шунката исечкана на парчиња. Додадете ги сварените макарони, па сето тоа прелијте го со сосот од мајонез, павлака и сенф.

Зачинете по желба со сол и бибер. Одозгора додадете го ренданиот морков и украсете со босилек, магдонос или кругови од варени јајца.

5. Палачинки со фил од јајца

Потребно:

За палачинките:

• 350 гр сварени компири
• 150 гр брашно
• масло и сол

За филот:

• 4 тврдо варени јајца
• 150 гр сварени компири
• 160 гр мајонез
• 300 гр мешан сварен зеленчук
• 70 гр кромид
• 30 мл оцет
• кисела павлака
• чили сос
• сол и бибер

Подготовка:

Прво направете ги палачинките од компир. Сварете ги во лушпа, изгмечете ги, помешајте со брашно, сол и направете тесто. Поделете го тестото на неколку делови и секој дел развлечете го на подлога со брашно. Во плех испечете го од двете страни.

За подготовка на филот тврдо варените јајца и компирот исечете ги на мали делови и помешајте ги со ситно сечканиот кромид и сварениот зеленчук. Мајонезот помешајте го со малку оцет, а потоа и со сечканите јајца и зеленчукот. Посолете и промешајте. Наполнете ги палачинките прелијте ги со чили сосот и павлаката.

6. Торта од пиперка

Потребно:

• 1 пакување тост леб
• 10 печени пиперки
• 400 гр мајонез
• 2 павлаки
• 4 кисели краставички
• 4 сварени јајца
• 250 гр шунка
• 100 гр фета сирење
• малку кечап
• 150 гр кашкавал

Подготовка:

Помешајте го мајонезот и 1 павлака, па поделете го тоа на 3 дела. Во првиот дел додадете ги исечканите кисели краставички и исечканите сварени јајца. Во другиот дел додадете ја ситно исечканата шунка, изгмеченото фета сирење и кечапот по вкус. Во третиот дел измешајте го наренданиот кашкавал и уште една павлака.

Печените пиперки исечете ги на ленти. Исечете 6 парчиња леб од кој ќе ја отстраните корката и ќе ги наредите, а одозгора ќе го нанесете првиот фил. Врз него наредете ги исечканите ленти од пиперката, па повторни ред тост леб. Нанесете го вториот фил, па уште еден ред печени пиперки и на крај покријте со уште еден ред тост леб.

Целата торта премачкајте ја со третиот фил и украсете ја по желба.