Подгответе вкусен сладолед со арома на кафе

Комбинирајте го вашиот омилен топол пијалок со слаткото ледено задоволство и ќе добиете вкусен десерт во жешките летни денови.

Наместо да пиете кафе на секојдневниот начин направете си сами сладолед со богат вкус.

Подготовката на ова летно задоволство е брза и едноставна и со сигурност нема да останете рамнодушни.

Повикајте ги пријателите на едно поинакво кафе:

Потребни состојки:

• 500 мл слатка павлака
• 3 јајца
• 100g шеќер
• 1 лажичка сварено домашно кафе
• 10g инстант кафе

Подготовка:

1. Земете ги јајцата и одвојте ги белките од жолчките. Жолчките ставете ги во сад, а потоа додајте го шеќерот. Мешајте ги додека смесата не се соедини и додека не стане густа.

2. Белката од јајцата и павлаката мешајте ги поединечно и во посебни садови.

3. Откога ќе ги измешате сите состојки посебно, спојте ги во еден сад. Мешајте ги заедно жолчките, белките, слатката павлака, ладното домашно кафе и инстант кафето.

4. Мешајте ги сите состојки додека не добиете хомогена смеса.

5. Смесата претурете ја во сад за сладолед и оставете ја во ладилникот додека не се замрзне.

6. Послужете се и уживајте!