Домашни наполитанки: Рецепт кој ги надминува купечките кекси

Култните наполитанки во детството на сите ни беа омилен десерт, па токму затоа нашите мајки и баби се труделе успешно да го импровизираат вкусот на чоколадо и кекс кој се топи во уста.

Ако некогаш станете носталгични или едноставно ве фати криза за нешто слатко и крцкаво, ви предлагаме да го пробате овој рецепт за најубавите домашни наполитанки.

Состојки:

• 4 листа обланди
• 250g путер
• 200g шеќер
• 12 лажици вода
• 250g мелени ореви
• 250g мелени бисквити
• 100g чоколадо за готвење

Подготовка:

Во тенџере ставете ги путерот, шеќерот и водата и мешајте додека состојките не се соединат. Потоа додадете ги оревите, бисквитите и чоколадото. Повторно мешајте додека не добиете крем.

Поделете го кремот на 3 еднакви дела и оставете го да се олади.

Потоа мачкајте на горниот дел од секоја обланда и редете ги додека не ги потрошите. Потоа замотајте ги во мрсна хартија и над нив ставете нешто тешко за да се притиснат.

Оставете ги на студено место, а по желба може колачот да го прелиете со топено чоколадо.

Совет плус: Ако сакате да го засилите вкусот на кремот, откако ќе го направите додајте малку сок од портокал или неколку капки рум.