Песок торта: Не се пече и готова е за 20 минути

Ако немате многу време за печење на кори, матење на филови или не сте баш највешти во подготовката на комплицирани десерти, испробајте го овој рецепт создаден за вас.

Потребни состојки:

• 1l млеко
• 4 пудинзи од ванила
• 300g шеќер
• 250g маргарин
• 200g мелени бисквити
• 200g кокосово брашно
• 200g мелени ореви
• Шлаг за декорација, по желба

Подготовка:

Сварете ги 4-те пудинзи од ванила, но не според упатството на кесата, туку во 1 литар млеко. пудингот оладете го и во него додадете го маргаринот, кој претходно ќе го изматите неколку минути со шеќерот.

Смесата поделете ја на 3 дела.

Во еден дел додадете го кокосовото брашно, во другиот мелените ореви, а во третиот мелените бисквити.

Во калап за торта ставете го прво филот со бисквити, па со кокос и на крај со ораси.

Тортата декорирајте ја со шлаг по желба и оставете ја да се олади најмалку 1 час.

Пресечете и послужете.