Без печење: Колач во чаша готов за 10 минути

Овој рецепт ќе им се најде на сите домаќинки кои немаат баш многу време на располагање, а сакаат да се покажат во добро светло пред гостите.

Плус, кога и да ви се пријаде нешто слатко можете за многу кратко време да ја задоволите желбата.

Потребни состојки:

• 300g мелени бисквити
• 50g мелени ореви
• 2-3 лажици Несквик
• 3 кеси шлаг
• ½ лажичка цимет
• Чоколадо за готвење, по желба

Подготовка:

Мелените ореви и бисквитите измешајте ги со циметот и Несквикот, па потоа соединете ја смесата со 2 кесички изматен шлаг. На крај додајте го растопеното чоколадо за готвење.

Смесата ставете ја во шолји, па одозгора премачкајте со преостанатата кесичка шлаг.

Прелијте со малку стопено чоколадо и украсете по желба.

Доброто кај овој колач е што можете да ги менувате состојките. Важни се само бисквитите и шлагот, додека оревите, Несквикот и циметот може да ги замените со кокос, мелени бадеми, ф’стаци, бело чоколадо, екстракт од ванила...