За појадок или вечера: Вкусно полнето лепче готово за 15 минути

Ако ви досадија сендвичите, лиснатите или некој друг производ кој го јадете за појадок секојдневно, имаме генијална идеја за вас.

Може да ги употребите сите состојки кои ги сакате - шунка, пршута, сирење, кашкавал, домати, пиперки и јајца за да направите нешто премногу вкусно од едно парче леб.

Потребни состојки за оригиналниот рецепт, кој може да се менува по вкус:

• Мали округли земички
• Јајца, по едно за секоја земичка
• Исечена црвена пиперка
• Нарендано сирење
• Млад кромид
• Сол и бибер

Подготовка:

Загрејте ја рерната на 200 степени пред да започнете со подготовка.

Исечете го врвот на сите земички и средината од лепчето извадете ја. Оставете по малку покрај корката за состојките да не претечат.

Наполнете ја секоја земичка со пиперка и сирење, додадете едно живо јајце и малку кромид одозгора. Зачинете и посолете по желба.

Ставете ги лепчињата во загреана рерна и печете 10-15 минути додека јајцето не се потпече.