Пробајте: Ќофтиња од стар леб во бел сос

Ако и кај вас дома често останува леб кој мора да го фрлите, време е за многу попаметно решение.

Ќофтињата од стар леб се толку вкусни, што ќе се покаете ако не ги пробате уште денес. Плус, белиот сос е одличен финиш.

Потребни состојки:

• Речиси цел стар леб
• 1 dl млеко
• 2 јајца
• 1 главица кромид
• 1 лажица брашно
• 1 лажица презла
• Сол и зачини по желба

За сос:

• 500g шампињони
• Малку кромид или лук
• 2 лажици брашно
• 1 павлака
• Зачини по желба

Подготовка:

Загрејте го млекото, па прелијте го тврдиот леб. Изгмечете со раце. Кромидот исечкајте го ситно и додадете го во смесата.

Помешајте го и јајцето во смесата, зачинете по вкус, па додајте ги брашното и презлата. Добро промешајте и ако забележите дека тестото е премногу ретко, додајте уште малку брашно.

Загрејте масло на тава и пржете ја смесата во облик на ќофтиња.

Исечканиот лук или кромид за сосот ставете го да се пропржи. Кога е речиси готов додајте ги шампињоните и покријте. Продолжете да динстате со малку вода.

Шампињоните се готови кога ќе омекнат и водата ќе испари. Тогаш изматете го брашното со 1dl вода, па истурете ја смесата во тавата. На крај додајте ја павлаката и зачинете.

Ќофтињата прелијте ги со сосот или наредете ги врз него. Послужете ги топли!