Чоколадна мус торта без печење

Чоколаден рецепт за кој не ви се потребни скапи состојки или многу време, ниту пак ќе треба да се мачите со месење, филување и печење.

Пробајте ја уште денес, а потоа раскажувајте им ја на пријателите со денови.

Потребни состојки:

• 300g квалитетно, црно чоколадо за готвење
• 500g путер
• 9 јајца
• Пакетче пишкоти
• 3-4 лажици шеќер во прав

Подготовка:

Чоколадото искршете го на парчиња и стопете го. Додадете го путерот, па добро промешајте додека не добиете еднолична смеса.

Додека е на тивок оган, во чоколадото додавајте по 1 жолчка и добро матете со миксер.

Откако ќе ги ставите сите 9 јајца, изматете снег од белките и на крај додадете 3-4 лажици шеќер во прав.

Добиениот шлаг полека додавајте го во чоколадната смеса. Така ќе добиете кремаста текстура на кремот.

Во овален калап или тава распоредете пишкоти. Претходно може да ги потопите во млеко, ако сакате. Не ги заборавајте и рабовите кои исто така треба да се обложени.

Наполнете го калапот со чоколадната смеса.

Тортата ставете ја во ладилник фрижидер неколку часа.

Декорирајте со шлаг и овошје по желба и послужете ја додека е студена.