Рецепт на денот: Торта од пудинг готова за 15 минути

Ако сакате кремаста торта без многу филови и пандишпани, земете го омилениот пудинг во рака и испробајте го следниов рецепт.

Состојки:

Бел пудинг

• 2 кесички пудинг од ванила
• 4 лажици шеќер
• Капаче рум
• 600ml млеко

Црн пудинг

• 1 кесичка пудинг од чоколадо
• 3 лажици шеќер
• 1 лажица какао прав
• 300ml млеко

Подготовка:

Сварете ги пудинзите од ванила со рум, а потоа и пудингот од чоколадо.

Обложете еден подлабок сад или калап за торта со проѕирна фолија и додека пудинзите се топли наизменично со лажица ставајте ги во садот.

Почнете со лажица темен пудинг во средина, па потоа 2-3 лажици бел пудинг околу. Така направете неколку наизменични концентрични кругови, обложете со фолија и оставете да се стегне во фрижидер.

Превртете ја тортата од пудинг на плитка чинија, исечете парчиња и послужете.

Секогаш може да додадете кршени бисквити, јаготки, рендано чоколадо, шлаг...