За Велигден послужете: Леб во форма на зајче

Ако мислевте и овој Велигден да правите лепче украсено со јајца, по овој рецепт ќе се предомислите.

Зошто да се придржувате до едноличните идеи, кога оваа година може да послужите леб во форма на зајче, декориран со салата и сос?

Подготовката нема да ви одземе повеќе од 1 час, а сигурно ќе добиете еден куп комплименти и воодушевувања.

Потребно ви е:

• 250ml млеко
• 250ml млака вода
• 2dl масло
• Малку сол и шеќер
• 1kg брашно
• 40g свеж квасец
• 2 цели јајца

Подготовка:

Во еден голем сад ставете го квасецот со шеќерот, млакото млеко и млаката вода, па оставете да скисне.

Во друг пластичен сад ставете брашно, масло, сол, цело јајца и нараснатиот квасец.

Премесете го тестото 2-3 пати, а потоа поделете го на два дела (1:3).

Од едниот дел направете глава и тело, а од помалиот направете уши, раце, нозе, образи и нос.

Печете го лепчето на 180 степени околу половина час.

За очи ставете 2 зрна суво грозје или помали маслинки, а за забите сецнете еден бадем на половина.

На голема чинија ставете го лебот и украсете со зелена салата, домати, краставички или млечни производи.

Средината може да ја издлабите и да ставите едно мало чиниче со тартар или сос по желба.