Постпразнично мени: Совршен појадок од варени јајца

За време на Велигденските празници голема е веројатноста често да појадувате варени јајца, па затоа добро е да знаете неколку начини на кои може да ги јадете без да ви досадат.

Ова се 6 од тие начини преку кои со јајца може да имате совршен појадок секое утро!

Салата од варени јајца

Исечете неколку варени јајца и салатки, додајте мајонез, маслинки, кари, масло, оцет и некој дополнителен зачин или зеленчук по ваш избор.

Ќе ја имате највкусната салата со варени јајца направена за само пет минути.

 
Сендвич од варени јајца

Доколку ви досади класичниот сендвич, наместо со стандардните состојки, овој пат направете го со исечени варени јајца.

 
Варени јајца како мезе

Исечете неколку варени јајца во чинија и ставете малку маслиново масло, сол и бибер. Јадете ги како мезе со чаша јогурт.

 
Бурито од варени јајца

Наместо класичното бурито со месо, направете свое бурито со варени јајца кои ќе ги измешате со ориз и свеж зеленчук.

 
Варени јајца со сос

Повторно исечете ги варените јајца на половина и наредете ги во чинија. Над јајцата додадете некој омилен сос кој мислите дека одлично ќе се вклопи со вкусот на јајцата.

Доколку немате идеја каков сос да ставите, мајонезот и зачините сигурно ќе завршат работа.

 
Спанаќ со варени јајца

Сварете спанаќ, послужете го во чинија и додадете исечкани варени јајца заедно со неколку салатки. За крај додадете оцет балсамико која одлично ќе се вклопи во вкусот.

Како ги комбинирате вие Велигденските јајца во вашата исхрана?