Брз рецепт: Расцветани лепчиња со виршли и млад кромид

Совршени за појадок, ручек или мезе, добро одат со сите салати и сосови, а кога еднаш ќе ги пробате ќе ви станат омилениот солен рецепт.

Брзи се, едноставни, а изгледаат неверојатно комплицирано и штосно.

Потребни состојки (за 9 парчиња):

• 500g пченично брашно
• 1 квасец
• 1 лажица шеќер и сол
• 1 јајце
• 250-300ml млеко
• 50g путер
• 9 виршли

За мачкање:

• 1 јајце
• 1 лажица маслиново масло
• 2 млади кромиди
• Сусам по желба

Подготовка:

Во еден сад измешајте го брашното заедно со квасецот, солта, шеќерот, јајцето и топлото млеко. Направете тесто.

Додајте го стопениот путер и повторно измешајте. Тестото мора да биде меко и да се одвојува од садот.

Покријте го садот и оставете го да нарасне 30-45 минути. Потоа разделете го тестото на 9 топчиња. Секое топче премесете го.

Зимајте по едно топче тесто и размесете со го сукало додека не добиете квадрат со ширина колку виршлите.

Ставете ја виршлата, замотајте ја во тестото и пресечете на 5 еднакви делови.

Земете го првиот и последниот дел и ставете ги едни преку други. Потоа пресечените кругови свртете ги нагоре за виршлите да се гледаат. На крајот, добивате цветче.

Премачкајте со мешавината од јајце и масло, па потоа ставете ситно сечкан млад кромид.

Цветовите ставете ги да се печат на 200 степени околу 30 минути.