Слатко уживање: Наједноставниот рецепт за тирамису

Тирамису десертот со арома на кафе е идеално слатко освежување за летните денови, затоа што не мора да вклучувате рерна или да варите филови. А и сите го обожаваат...

Овој колач е наједноставната варијанта на тирамису.

Потребно ви е:

• 500g маскарпоне сирење
• 2 јајца
• 400g пишкоти
• 3 шолји кафе
• 6 лажици кафеав шеќер
• 1 ванилин шеќер
• 3 лажици какао
• 2 лажички рум или коњак

Подготовка:

Сварете го кафето без шеќер и оставете го да се олади.

Скршете 2 јајца и одвојте ги жолчките од белките. Белките сматете ги со 3 лажици шеќер додека не добиете снег, а жолчките со преостанатиот шеќер.

Во садот со матени жолчки додадете го сирењето и румот и мешајте. Кога ќе добиете изедначена смеса, додавајте ги матените белки лажица по лажица.

Пишкотите натопете ги во разладеното кафе и ставете ги на стаклен послужавник.

Преку нив прелијте со дел од кремот.

Редете додека не го потрошите материјалот (отприлика 3-4 реда).

Завршете со крем и проросете какао.

Колачот добро оладете го пред послужување.