Десерт на денот: Домашно Тоблероне готово за 15 минути

Омилените чоколадни триаголници на кои им се радувавте како мали, сега може да ги подготвите и дома.

Ви требаат само 15 минути за да добиете домашно Тоблероне.

Потребни состојки:

• 250g маргарин
• 3 јајца
• 300g шеќер
• 200g квалитетно чоколадо
• 2 лажици какао во прав
• 100g пропржен сусам
• 100g сечкани кикирики
• 200g мелени бисквити
• 100g чоколадо за глазура
• Неколку капки масло

Подготовка:

Загрејте го маргаринот додека не се стопи, па потоа додадете ги јајцата и шеќерот во него. варете додека шеќерот не се сопи.

Додадете го чоколадото и какаото и добро измешајте. На крај ставете ги кикириките, сусамот и бисквитите.

Една тепсија намачкајте со неколку капки масло или поставете мрсна хартија. Додека смесата е топла прелејте ја во тепсијата.

Почекајте неколку часа да се олади, па ставете го растопеното чоколадо како глазура.

Сечете коцки или триаголници и послужете ги добро оладени.