Десерт на денот: Торта од чоколадни палачинки

Време е подготовката на палачинки да ја подигнете на едно поинакво и повкусно ниво. На пример, нека бидат од чоколадно тесто и во облик на торта.

Звучи и изгледа примамливо?

Потребни ви се следниве состојки:

• 175g брашно
• 1 лажичка прашок за печиво
• 25-30g квалитетно какао
• 100g шеќер
• Малку сол
• 4 лажички масло
• 2 лажички екстракт од ванила
• 350ml млеко

За филување и декорација:

• Шлаг пена
• 30g шеќер во прав
• Чоколаден прелив или стопено чоколадо
• Овошје по желба

Подготовка:

Во длабок сад измешајте ги сувите состојки за палачинките, а потоа додадете го маслото, млекото и ванила екстрактот.

Матете додека не добиете мазна смеса.

На тава со малку масло за печење правете палачинки со идентична големина.

Оставете ги палачинките да се оладат, а во меѓувреме изматете ја шлаг пената со шеќерот во прав.

Редете палачинка, па 3 лажици од шлаг пената, а ако сакате може да додадете и овошје на секоја втора или трета палачинка.

Кога ќе завршите, прелијте ги палачинките со стопено чоколадо или чоколаден прелив. Украсете со овошје.