Чоколадна фантазија: Фереро Роше ролат

Роладот Фереро Роше е чоколадна бомба, сочна и кремаста, која неодоливо потсетува на малите чоколадни топчиња.

И веројатно доволна ви е само една слика за да сфатите за што зборуваме.

Ако не успеавте да одолеете, еве како да го подготвите уште денес.

Потребни состојки:

За кора

• 6 мали јајца
• 100g шеќер
• 25g какао
•  2 лажици густин
• 180g чоколадо со над 50% какао
• 2 лажици врела вода

За крем

• 250g маскарпоне
• 250g нутела
• 150g пржени, крупно мелени лешници

За глазура

• 200g темно чоколадо
• 25g путер
• 50g пржени, крупно мелени лешници

Подготовка:

Загрејте ја рерната на 180 степени и во еден плех ставете мрсна хартија

Одвојте ги жолчките и белките.

Чоколадото стопете го на пареа.

Белките изматете ги во шлаг.

Жолчките мешајте ги со шеќерот додека не станат густи и кремасти. Во нив проросете го густинот и какото, па додајте го стопеното чоколадо. Мешајте со миксер додека не се соединат.  Додајте ги и 2-те лажици врела вода.

На крајот, шлагот од белките постепено измешајте ги во смесата додека не добиете тесто за пандишпан.

Смесата добро распоредете ја во тавата со мрсна хартија и печете 13 минути.

Додека ролатот се пече, подгответе влажна крпа.

Кога ќе го извадите пандишпанот, проросете малку какао врз него и ставете го на влажната крпа. Замотајте го во форма на ролат заедно со неа и оставете да се олади.

Измешајте ги со миксер состојките за кремот, па кога бисквитот ќе се олади одмотајте го од крпата, намачкајте го со крем и повторно замотајте го.

Ставете го ролатот во фрижидер додека ја правите глазурата.

На пареа стопете ги чоколадото и путерот, па додајте ги лешниците.

Извадете го ролатот од фрижидер, па прелијте го со глазурата.

Оставете уште неколку часа да се олади, па потоа можете да сечете парчиња.