Сочен и брз ручек: Пилешко филе ала италијана

Италија и нејзината кујна отсекогаш биле инспирација за многу рецепти кои на некој начин се обидуваат да вметнат дел од класичните италијански тајни.

Ова е токму таков рецепт во кој пилешкото филе декорирано со боите на Италија (и секако препознатливите италијански производи) ќе бидат одлична идеја за вашиот ручек.

Одличниот вкус ќе биде главната причина што овој рецепт ќе ви стане омилен, а брзата подготовка и минималниот труд се нешто кое дополнително ќе ве натера да го засакате.

Потребни состојки:

• Пилешко филе
• Моцарела
• Домати
• Босилек
• Павлака за готвење
• Песто сос
• Сол и црн бибер

Подготовка:

1. Засечете го пилешкото филе на повеќе места.

2. Во секој засек ставете парче моцарела, домат и босилек.

3. Вака подготвеното филе ставете го во сад за печење и зачинете го со сол и црн бибер.

4. Прелејте со павлака за готвење и додадете малку песто.

5. Печете 30 минути на температура од 180°C. 

М. С. | Црнобело