После пица Наполитана, највкусното од Неапол: Велигденски леб

Велигден е денот кога сите очекуваме гости и сите одиме некаде на гости, најчесто кај поблиските роднини. Тоа подразбира кршење на јајца и делење на вкусен ручек.

Без разлика на тоа дали очекувате некој на гости или ќе одите некаде, можете да направите вкусен неаполски деликатес кој најчесто се подготвува за Велигден и да ги изненадите гостите и роднините.

Време за подготовка: 60 минути

Време на печење: 50 минути

Време на дигање на тестото: 3 часа и 30 минути

Температура на печење: 200°С

Потребни состојки:

За тестото:

• 1 лажичка сушен или свеж квасец
• 3,5 - 4dl вода (млака)
• 600g брашно (+ малку за напрскување на површината за месење)
• 2 кафени лажички шеќер
• 1 лажица сол
• Малку сушен пипер
• 120g маст или путер

За филот:

• 400g кашкавал пекорино
• 10 парчиња салама по желба
• 100g сланина сечкана на ситно
• 400g „Grana padano“ или некој друг потврд кашкавал како овчи

За премачкување:

• 1 јајце (изматено)

За украсување:

• 5 јајца (варени)

Подготовка:

Ставете го брашното во голем сад и додадете ги квасецот, солта, биберот, путерот и млаката вода. Месете додека не добиете хомогена смеса. Обликувајте го тестото во топка и ставете го во подмачкан сад, покријте го со фолија и оставете го да се дигне околу час, час и половина.

Наросете брашно на работната површина и размесете го тестото во правоаголник (околу 40 на 65 сантиметри). Рабовите исечете ги за да добиете рамни површини и остатокот зачувајте го за декорацијата (јајцата на врвот на лебот).

Посипете го тестото со кашкавалите, саламата и сланината, навртете го како ролат и ставете го во куглов. Оставете го да отстои уште час и половина, барем додека не се дигне до горниот раб на кугловот.

Загрејте ја рерната на 200 степени.

По желба наредете ги 5-те јајца на врвот од лебот и притиснете ги на површината со парчињата останато тесто. Намачкајте ја површината со јајце и печете на загреана рерна 45 до 50 минути.

Н. Г. | Црнобело