Совршена овошна салата во 9 чекори

Овошната салата е најлесниот десерт кој некогаш ќе го подготвите, а никогаш не можете да го погрешите.

Сепак, како и за секој рецепт, така и за овој постојат трикови кои ќе ве направат професионалец.

Потребно е да запаметите 9 чекори:

1.Бирајте сезонско овошје

Не мешајте свежо сезонско овошје со замрзнато или конзервирано. Така го уништувате шмекот на свежите плодови.

2.Ист степен на зрелост

Салатата е повкусна кога сите овошја се подеднакво тврди или меки.

3.Различни бои и текстури

Важно е салатата да има контраст и во боите и во текстурите. Не правете салата исклучиво од шумски плодови или тропски овошја. Мешајте.

4.Отстранете ги сите семки и лушпи

Ништо не го расипува вкусот како семката која залутала.

5.Парчињата нека бидат со иста големина

Прво што треба да научите е токму овој кулинарски трик - без разлика каква салата и да правите, големината на парчињата во неа треба да биде барем приближна.

6.Лимон

Неколку капки лимон или лајм можат значително да го подобрат и освежат вкусот.

7.Шеќер

Додавајте само ако е неопходно и водете сметка тоа да го правите само ако во салатата има меки плодови како јагоди и малини. Така многу помалку ќе се забележи, отколку ако го ставите во салата од јаболка и круши, каде што нема никогаш да се растопи.

8.Крем

Ниту еден рецепт за овошна салата не е целосен без сладок крем одозгора.

9.Служете во кора од самите овошја кои сте ги исекле

Длабоките чинии и чаши заменете ги со кора од лубеница, диња, портокал...

М. Д. | Црнобело