5 рецепти за солени, сочни врапови

Тортиљата во комбинација со сочно полнење е најдобриот појадок, ручек или вечера кој може да си го подготвите. Дури оди и за мезе, со било каков пијалак.

Бидејќи враповите се лесни за правење, може да ги свиткаат и почетници, тортиљите се лесно достапни и евтини, ви предлагаме 5 рецепти кои може да ги испробате следен пат кога нема да знаете што да подготвите на брзина.

Врап со крем сирење, зачини и домат

Комбинирајте 180g крем сирење, рикота или некое друго меко сирење со 50g слатка павлака. Направете еднолична кремаста смеса и додадете лук во прав и копар. Намачкајте ја тортиљата и наредете врз кремот парчиња домат. Може да ставите и кромид по желба.

Пилешки врап

Испржете еден стек исечкан на ситни парчиња, а при крај додадете зеленчуци по желба во тавчето. Намачкајте ја тортиљата со павлака, ставете од пилешкото и зеленчукот, посолете, зачинете, ставете малку балсамико по вкус и замотајте.

Авокадо врап

Исечкајте ситно 100g авокадо, домати, зелени пиперки и малку кромид. На тортиљата ставете лист марула, проросете сирење или намачкајте крем сирење, па ставете го зеленчукот.

Врап со туна и маслинки

Исечкајте 50-80g црни маслинки, исечкајте и малку кромид и отворете една туна. Врз тортиљата ставете лист марула, наредете туна, па додадете го кромидот и маслинките врз неа. Замотајте и послужете со малку цеден лимон одозгора.

Врап со бело месо и цезар сос

Испржете едно парче стек на мали парчиња. Цезар сосот подгответе го од 100ml густ јогурт, малку рендан лук, ½ лажичка сенф и 1-2 лажички сок од лимон. Додадете сол по вкус. На тортиљата наредете тенки парчиња краставица и марула, проросете пармезан, додадете го месото, па на крајот прелијте со сосот. Замотајте.

М. Д. | Црнобело