Кремаст Фереро Роше тарт - ќе барате парче плус
Се подготвува брзо, со корнфлекс, а токму тој му го дава крцкавиот шмек што го имаат оригиналните Фереро Роше колачиња. Дали би го пробале?
Едни од омилените колачиња на многу луѓе се подготвуваат во неколку различни варијанти, а една од нив е во вид на кремаст тарт со корнфлекс.
Иако на прва може да ви звучи чудно, токму корнфлексот ќе му го даде оној крцкав шмек на тартот, а вкусот е одличен - ист како оригиналот.
Потребни состојки:
За подлогата:
- 200g темно чоколадо
- 100g путер
- 200g корнфлекс
Бел фил:
- 400g бело чоколадо
- 200g лешници
- ¼ лажичка морска сол
Кафеав фил:
- 200g темно чоколадо
- 200ml слатка павлака
- 100g печени, згмечени лешници
Начин на подготовка:
- Ставете ги чоколадото и путерот во длабок сад и загревајте ги во микробранова печка на интервал од 30 секунди, па мешајте.
- Вратете ја смесата неколкупати во микробрановата печка додека состојките не се спојат и стопат убаво.
- Потоа во садот потоа додадете го корнфлексот и повторно изешајте.
- Смесата ставете ја на дното на тркалезна тепсија и распоредете ја како тесто за чизкејк.
- Оставете да се стегне во фрижидер или замрзнувач додека го правите белиот фил.
- Во тава запечете ги лешниците па или ставете ги во процесор за храна да се измелат или измелете ги рачно со мелница за ореви.
- Спојте ги белото чоколадо со лешниците и додадете малку сол, па мешајте рално за да добиете мазна смеса (или во вид на путер од кикирики ако користите процесор за храна).
- Истурете го белиот фил врз изладената цврста основа за тарт и оставете да се стегне.
- Кога ќе се стегне, направете го последниот фил - ситно исечкајте го чоколадото и растопете го.
- Во друг сад, на пареа, ставете ја слатката павлаката, па кога ќе почне да се прават меурчиња, во неа ставете го стопеното чоколадото.
- Мешајте да добиете мазна смеса, па во неа ставете ги лешниците кои сте ги запекле и згмечиле (да бидат на покрупни парчиња).
- Истурете го темниот фил врз белиот, па ставете го тартот да се стегне во фрижидер (најдобро преку ноќ), а дури потоа послужете го.
Видео постапка:
А. Ј. | Црнобело
Би можело да ве интересира:
Кремаст колач со праски и путер, рецепт што го најдов во тефтерот на мајка ми
Се топи во устата, зашто тестото после печењето е меко како пудинг, а праските м...
Лиснати кроасани со крем од ф’стаци - По првиот залак ќе барате уште
Кремот од ф’стаци последниве години се користи во многу различни рецепти, а мног...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Кремаст плазма колач со пудинг, јагоди и банани – брз, лесен и неодолив
Ако ви треба лесен и брз рецепт за нешто благо, кремасто и неодоливо, ова е тоа ...
Кремаста и сочна Барон торта, со многу чоколадо и малини
Слаткиот вкус на чоколадо во комбинација со кисели малини ја става Барон тортата...
Рецепт за шпагети со кремаст и сочен сос од шери домати, лук и пармезан
Ако сте љубител на паста со лесни, но кремасти и сочни сосови, ова е идеален рец...
Препорачуваме
Најчитани неделава
