Кремаст колач со дупчиња после кој ќе излижете прсти

Како што и самата слика ќе ви наложи – ќе мора да го пробате уште денес.

Кремаст е, екстремно сладок и лесен за подготовка.

Потребни состојки:

За бисквит:

• 2 шолји шеќер
• 4 јајца
• 2 ½ шолји брашно
• 1 шолја млеко
• ¾ шолја масло
• 2 ¼ лажички прашок за печиво
• 1 лажица екстракт од ванила

Крем:

• 2 пудинзи од ванила сварени според упатството

Глазура:

• 240g чоколадо
• 1 шолја слатка павлака

Подготовка:

Шеќерот и јајцата изматете ги со миксер додека смесата не стане пенеста, а потоа додавајте ги брашното, прашокот за печиво, млекото, маслото и ванилата. Добро изматете. Смесата ставете ја во тепсија која претходно ќе ја подмачкате и печете на температура од 175 степени 30-40 минути.

Штом го извадите бисквитот, со подебела цевка направете дупчиња по целата површина.

Пудингот сварете го вообичаено, па кога ќе се олади истурете го врз бисквитот.

За глазура, стопете го чоколадото и додадете ја павлаката. Загревајте до точка на вриење, па прелијте го колачот.

Оставете да се олади неколку часа, па потоа сечете коцки.

М. Д. | Црнобело