Рецепт за „лажно“ полнето пилешко кој не можете да го згрешите

Полнењето пилешко е една од посложените постапки во готвењето и навистина треба да имате неверојатни вешти прсти. Пред да кренете раце од ова превкусно јадење, имаме решение за вас.

Вкусот е скоро идентичен, а подготовката многу поедноставна.

Најдоброто од сè – не постои шанса да го згрешите рецептот. Време е за „лажно“ полнето пилешко!

Потребно ви е:

• 1 шолја сенаменско брашно
• 1 kg пилешки гради
• 2 шолји лебни трошки
• 3 големи матени јајца
• Сол, бибер или други зачини по желба
• 1 шолја готов сос за скара
• 1/3 шолја кафеав шеќер
• Сок од 1 лимета
• 1 лажичка лук во прав, или пак неколку чешниња свеж лук (по желба)
• 1 шолја рендан мешан кашкавал
• 1 шолја чедар кашкавал
• 4 парчиња испржена сланина исечкана на парчиња
• Младо зелено кромитче

Начин на подготовка:

1. Загрејте ја рерната на 220˚С.

2. Почнете со подготовка на пилешкото, односно класично похување: обложете ги со брашно, па директно во матените јајца (во кои сте додале 2 лажици вода), и на крајот во лебните трошки.

3. Префрлете ги подготвените пилешки парчиња во сад за печење обложен со хартија и зачинете по желба. Печете ги додека добро не се заруменат, од 23-25 минути.

4. Во меѓувреме, во подлабок сад на средна температура загрејте го готовиот сос за скара, кафеавиот шеќер, сокот од лимета и лукот. Мешајте додека добро не се соедини.

5. Кога пилешкото е печено, едно по едно потопете ги во подготвениот сос и вратете ги повторно во тавчето.

6. Додадете го ренданиот мешан кашкавал, па чедарот, сланината и младиот кромид.

7. Вратете го пилешкото во рерната и почекајте добро да се стопи сирењето, околу 1 до 2 минути.

Погледнете како лесно се подготвува лажното полнето пилешко:

" data-width="630" data-show-text="false">

How To Make Loaded Boneless Wings

Loaded Boneless Wings are your new go-to party trick. Full recipe: http://dlsh.it/1NLKPvY

Posted by Delish on Sunday, January 28, 2018