Чоколадни колачиња кои ќе ги подготвувате цела зима - Супер се за со кафе и чај

Благи однатре, а крцкави однадвор, овие чоколадни колачиња ќе ви бидат омилен десерт цела зима.

За појадок, ужина или во комбинација со кафе и чај – брзо ќе станете зависни од нив, а најдобро од сè е што може да си ги подготвите сами во секое време.

Пробајте да ги направите овие чоколадни колачиња чии количини никогаш нема да ви бидат доволни, а никој нема да може да им одолее.

Омилен благ рецепт за цела зима:

Потребни состојки:

• 2 јајца
• Сол
• 100 g шеќер
• 60 g путер
• 200 g темно чоколадо
• 1 лажица прашок за печиво
• 220 g брашно
• Шеќер во прав (за валкање)

Начин на подготовка:

Изматете ги јајцата со солта, а потоа додадете ги путерот и шеќерот и измешајте. Додадете го стопеното чоколадо, не многу топло и мешајте.

На крај, додадете го прашокот за печиво и постепено додавајте го брашното.

Ставете ја смесата во фрижидер да отстои барем 2 часа, а потоа од неа формирајте топчиња.

Валкајте го секое топче во шеќер во прав, па редете ги во плех на хартија за печење.

Печете 10 минути на 180˚С, оставете малку да се изладат и уживајте во чоколадниот вкус!

https://www.facebook.com/watch/?ref=external&v=2242404296040677

М. М. | Црнобело