Рецепт кој мора да го пробате: Новогодишна елка од сирења и кашкавали

Веројатно го имаме најпразничниот рецепт за оваа година – новогодишна, накитена елка која кога ќе ја пресечете крие вкусна мешавина од сирења и кашкавали.

Ви требаат максимум 20 минути за да ја направите, а изгледа како да ја подготвувал професионалец.

Послужете со кекси, соленки, брускети и вино по желба.

Потребни состојки:

• Крем сирење
• Рендан кашкавал
• Рендано сирење
• Зачини

* Состојките се прилагодуваат според густината и вкус, затоа и нема точна грамажа.

Подготовка:

Ставете ги ренданиот кашкавал и сирење во еден длабок сад. Крем сирењето додавајте го постепено, лажица по лажица.

Треба да добиете густа смеса како на сликата:

Потоа зачинете и додајте кромид, сушени домати или друг сув зеленчук во смесата.

Наполнете во калап со конусна или триаголна форма. Доколку немате калап, може да ја ставите смесата на тврда подлога, па да обликувате со раце.

Оставете да се стегне во фрижидер 1-2 часа.

Украсете со чери домати, сечени бадеми, парчиња тврд кашкавал и магдонос или друг зелен зачин по желба.

Декорирајте со ѕвезда од кашкавал, на послужавник во кој ќе наредите солени грицки.

Мезењето може да почне!

М. Д. | Црнобело