Десерт без вештачки шеќери и калории: Чоколадни авокадо коцки

Ако е десерт, не мора да значи и дека е полн со шеќер и калории.

Идејата за вегански чоколадни авокадо коцки воопшто не е лоша и всушност може да биде вистинско уживање за непцето на оние кои ја сакаат комбинацијата на благ и соленкаст вкус.

Најдоброто од сè е што не се печат, а се прават за навистина брзо време.

Потребни се следниве состојки:

• 180g урми 
• 150g ореви (3/4 крупно измелени, остатокот сечкани) 
• 2 лажици какао 
• 1 зрело авокадо 
• Кокосов крем (полна голема лажица) 
• Јаворов сируп за засласдување 
• Темно чоколадо

Подготовка:

Направете ја основата од урмите, оревите и какаото. Изблендирајте ги заедно урмите, мелените ореви и какаото, а потоа додајте ги сечканите ореви.

Оваа смеса нанесете ја во тава обложена со хартија за печење.

Слојот треба да биде дебел помалку од еден сантиметар. Ставете ја тавата во замрзнувач.

Авокадото, кокосовиот крем и јаворовиот сируп исто така изблендирајте ги, додека да добиете мазна смеса. Премачкајте врз основата од урми и вратете во замрзнувач.

Стопете го темното чоколадо и прелијте врз колачот. Исечете на коцки.

Е. Д. | Црнобело