Нова варијација на класичен рецепт – Тирамису со цреши

Речиси и да не постои човек на светот кој не обожава тирамису. Овојпат за вас имаме летна варијација на класичниот рецепт – тирамису со свежи цреши.

Додека сè уште трае сезоната на црешите, вреди да се искористат во вакво слатко и деликатно уживање. А декорирањето во чаша е посебна приказна која нема никого да остави рамнодушен, покрај неверојатниот вкус на овој сладок рецепт.

Потребни состојки:

• 200 g пишкоти
• 5 жолчки
• 50 g шеќер во прав
• 500 g маскарпоне
• 1 лажица ликер од бадем
• 300 ml црно кафе
• 100 g рендано чоколадо (темно или млечно, по желба)
• Свежи цреши

Начин на подготовка:

1. Изматете ги жолчките со шеќерот во прав, па полека додадете го маскарпонето и ликерот од бадем. Варете ја смесата на пареа додека добро не се згусне.

2. На кратко потопете ги пишкотите во кафето, но внимавајте да не се натопат премногу.

3. На дното на чашата поставете неколку пишкоти. Врз нив додадете свежи цреши кои претходно сте ги исчистиле од семките.

4. Додадете слој од кремот со маскарпоне. На крајот посипете со рендано чоколадо (црно или млечно по желба) и декорирајте со уште неколку цреши на врвот.

(О)Милена | Црнобело