Летна салата со праски, рукола и ф’стаци - освежувањето што ви е потребно

Сезоната на праските започна и ова е одлична можност да ги употребите во малку поинаков рецепт. Доколку сакате да експериментирате со вкусови и сте во потрага по рецепт со интензивна арома и едноставна подготовка, ова е вашиот нов предизвик.

Салатата ја комбинира сладоста на овошјето и горчливиот вкус на руколата. Заокружена со малку ф’стаци претставува добитна летна комбинација.

Салатата е доволна за 4 порции, а секоја од нив содржи само 184 калории. Подготовката трае околу 10 минути, а достапно е и видео за полесно да ја направите:

Потребни состојки:

• 3 зрели праски
• 4 шолји свежа рукола
• ½ шолја потпечени ф’стаци, крупно исечкани
• 1 лажица масло од семки од грозје (или друго неутрално масло – ленено, сусамово, масло од тиква)
• 1 лажица сок од лимон
• 1 лажица семе од коноп
• ½ лажичка агаве сируп
• Прстофат сол

Начин на подготовка:

1. Во подлабок сад ставете ја измиената рукола, сечканите праски и потпечените ф’стаци.

2. Во помал сад помешајте го маслото, сокот од лимон, агаве сирпуот и солта.

3. Истурете го преливот врз салатата и добро измешајте, а на крајот додадете семе од коноп.

(О)Милена | Црнобело