Автентичен грчки вкус: Медитеранска фритата за појадок, ручек и вечера


Автентичен грчки вкус: Медитеранска фритата за појадок, ручек и вечера

Дали имате желба за едноставен, здрав оброк, полн со свеж зеленчук?

Mediteranska-fritata-za-pojadok-rucek-i-vecera-01.jpg

Брзата и едноставна фритата ќе стане ваш омилен рецепт за здрав појадок, ручек или вечера. Она што е најдобро, за нејзина подготовка ќе ви бидат потребни помалку од 30 минути.

Фритатата е полна со вкусовите на медитеранот: тиквички, шери домати, пиперки, сирење и оригано. Со овој рецепт можете да си играте и да додавате некои од вашите омилени намирници коишто ви се наоѓаат во фрижидерот, па така секој пат да добиете различен вкус.

Потребни состојки:

  • 8 јајца
  • ½ шолја млеко
  • ¼ лажичка црвен пипер
  • 2 лажици маслиново масло
  • 2 тиквички (помали, исечкани на коцки со големина на залак)
  • 1 црвена пиперка (мала, исечкана на парчиња)
  • 1 зелена пиперка (мала, исечкана на парчиња)
  • 1 шолја шери домати (цели)
  • 1 лажичка оригано (може и босилек)
  • ¼ шолја здробено сирење
  • сол
  • бибер

Начин на подготовка:

1. Загрејте ја рерната на 200 степени.

2. Во поголем сад скршете ги јајцата, додадете го млекото, посолете, забиберете и додајте црвен пипер. Изматете ја добро смесата.

3. Во голема тава за печење (тава што ќе може да ја ставите и во рерна), загрејте масло. Додадете ги тиквичките, црвената и зелената пиперка и гответе 3-5 минути додека малку не омекнат.

Додадете ги шери доматите и ориганото и зачинете со сол и бибер. Во тавата додадете ја смесата од јајцата. Гответе неколку минути. Додадете го сирењето и ставете ја тавата во претходно загреаната рерна.

4. Печете 15-20 минути. Послужете ја топла.

Оваа фритата е многу разнообразна. Може да го смени вкусот со кој и да е зеленчук којшто го имате при рака – додадете малку свеж босилек и моцарела, малку шунка или чедар… Можностите се бесконечни.

Mediteranska-fritata-za-pojadok-rucek-i-vecera-02.jpg

(О)Милена | Црнобело

Би можело да ве интересира:

Десерт на денот: Пролетна пита со црвено овошје Оваа пролет рецептот кој нема да престанете да го правите е овошната лисната пит...
Рецепт на денот: Медалјони од компир на кои нема да може да одолеете Медалјони или „плескавички“ од компир, полнети со моцарела и печурки – звучи иде...
Готов за 15 минути: Џем од јагоди кој ќе ве врати во детството Јаготки кои се мачкаат на леб – појадок, ужинка и вечера која честопати знаевме ...