Ладен ролат со малини - освежувачко, слатко задоволство на чинија
Спонзорирано од:
Спонзорирано од ОгласиЗаРабота.мк


Ладен ролат со малини - освежувачко, слатко задоволство на чинија

Свежите малини ни се конечно достапни, но за овој рецепт може да употребите и смрзнати. Вкусот секако е неодоливо освежувачки и бидете сигурни дека сите ќе побараат парче повеќе.

Laden-rolat-so-malini-01.jpg

Ролатот се прави брзо и лесно, а резултатот е воодушевувачки, одличен за овие топли, летни денови.

Потребно ви е:

За тестото:

  • 6 големи јајца (поделени жолчки од белки, на собна температура)
  • 200 gr шеќер (поделен на 2 дела)
  • 1 кесичка ванилин шеќер
  • 120 gr просеано бело брашно

За филот:

  • 500 ml слатка павлака
  • 300 gr крем-сирење
  • 5 лажици шеќер во прав (или повеќе, доколку сакате кремот да е поблаг)
  • 200 gr малини + 100 gr малини врз ролатот (за подоцна, пред послужувањето)

Laden-rolat-so-malini (4).jpg

Начин на подготовка:

1. Загрејте на рерната на 190˚С и подгответе тавче за печење обложено со хартија и малку масло.

2. Прво изматете ги белките од јајцата во подлабок сад. Полека додадете 100 gr шеќер и продолжете со матењето со средна брзина. Префрлете ја белата, пенеста смеса во чист сад.

3. Вториот чекор е да изматите жолчките со преостанатите 100 gr шеќер и кесичката ванилин шеќер. Матете со повисока брзина околу 3 минути.

4. Полека почнете со додавање на кремот од белки во оваа смеса, со помош на шпатула и нежно мешајте. Откако внимателно ќе ги измешате смесата од белки и жолчки, започнете полека со додавање на брашното и нежно мешање, на истиот начин како што ја додававте смесата од белките.

5. Префрлете ја смесата во подготвениот сад за печење. Печете околу 10-12 минути или додека тестото не стане жолто-златно. Откако ќе се испече извадете го и оставете да се олади.

6. Подгответе го кремот од слатката павлака, крем-сирењето и прав шеќерот и добро измешајте го. Додадете ги и малините и изматете го добро кремот со миксер.

7. Откако тестото ќе го извадите од рерната и добро ќе се излади, врз изладената кора нанесете го кремот од малини. Завиткајте ролат, па префрлете го 1 час во замрзнувачот, а потоа може да го ставите во фрижидерот.

8. Пред послужувањето може да го премачкате ролатот со шлаг крем, (подготвен според упатството на кесичката, но ова сепак е опционално) и да наредите малини врз него.

* Доколку не сакате шлаг, едноставно посипете го ролатот со шеќер во прав и нанесете неколку свежи малини врз него.

Laden-rolat-so-malini (3).jpg

Laden-rolat-so-malini (2).jpg

Laden-rolat-so-malini (1).jpg

(О)Милена | Црнобело

Би можело да ве интересира:

Готов за 15 минути: Џем од јагоди кој ќе ве врати во детството Јаготки кои се мачкаат на леб – појадок, ужинка и вечера која честопати знаевме ...
Лесен чоколаден рум колач за сите љубители на десертите Доколку го сакате вкусот на чоколада и рум, тогаш сигурно ќе ви се допадне овој ...
Зимски десерти: Виенска слатка кнедла со афион и џем од сливи Овој сладок десерт е специјалитет на виенската кујна, а е еден од најомилените з...