Рецепт на денот: Медалјони од компир на кои нема да може да одолеете

Медалјони или „плескавички“ од компир, полнети со моцарела и печурки – звучи идеално за викенд ручек, нели?

Љубителите на компир се радуваат на секој нов рецепт со компир, а овој ќе ви биде еден од омилените.

Се подготвува лесно, а смесата можете да ја мешате со различни состојки и никогаш нема да погрешите!

Потребни состојки:

• 800g компири
• 300g печурки
• 200g брашно
• 50g пармезан, рендан
• 100g моцарела сирење (или мек кашкавал)
• 1 јајце
• 1 чешне лук
• Магдонос
• Маслиново масло, сол и бибер

Начин на подготовка:

Запржете го лукот, па додадете ги печурките и зачинете со сол и бибер. Покријте го тавчето и гответе 10 минути. Потоа додадете магдонос и оставете го уште малку на оган.

Излупете ги компирите и изгмечете ги во сад. Додадете го брашното, пармезанот, сол, бибер, јајце и измешајте ја добро смесата.

На работната маса наросете малку брашно, ставете ја одозгора смесата, измазнете ја со сукало и сечете кругови со калап или чаша. 

Во секој круг додадете малку од зготвените печурки и ставете малку моцарела. Покријте со уште едно кружно парче од смесата и притиснете нежно од страните за да се прицврстат, а потоа ставете ги на тавче со малку маслиново масло.

Оставете ги 5 минути од едната и од другата страна да се зготват добро и послужете ги топли.

Видео од целата подготовка на рецептот:

https://www.facebook.com/watch/?v=395009327809912

М. М. | Црнобело