Рецепт од нашите баби: Полнет виолетов кромид

Во балканската традиционална кујна, покрај пиперки и тиквички, постои и рецепт за полнет кромид.

Виолетовиот кромид го губи силниот мирис при печењето, па нема потреба да се грижите дека ќе мирисате на кромид со денови.

Ова е рецептот на нашите баби:

Состојки:

• 4 големи главици виолетов кромид
• Сол и бибер
• 1 црвена пиперка
• 400g јунешко мелено месо
• 1 лажичка мајоран
• 1 лажица масло
• 200ml супа од коцка
• Рендан кашкавал

Подготовка:

Исчистете го кромидот и исечете го врвот. Издлабете со лажичка. Содржината од средината која ќе ја извадите, ситно исечкајте ја.

Четирите издлабени кромиди проварете ги околу 2 минути во зовриена вода со малку сол и оставете ги да се исцедат.

Исечкајте ја пиперката ситно, па додадете ја во месото заедно со исечканиот кромид од средината. Додадете сол и бибер, па промешајте.

Загрејте ја рерната на 180 степени.

Наполнете ги главиците кромид со меленото месо и поклопете со врвот од кромидот кој го сецнавте.

Ставете малку масло во тавата и наредете ги. Налејте ја во тавата и супата од коцка.

Печете 30-40 минути, а кога ќе бидат при крај ставете им малку рендан кашкавал одозгора.

Послужете со ориз или печен компир.

М. Д. | Црнобело