Неодоливо вкусни, декоративни канапеи за мезе, забави и родендени

Дали планираме да правите домашна забава? Можеби ви се ближи роденденот вам или на некоја блиска, сакана личност или сте едноставно расположени за добро, квалитетно мезе?

Доколку одговорот е ДА на сите или кое било од претходно поставените прашања, време е да направите мали, солени залачиња – вкусни канапеa на кои нема да може никој да им одолее.

Потребни состојки:

• Леб – француски багет или тост леб
• Шунка, пршута, печеница, свеж лосос исечен на тенки листови (по желба)
• Чери домати, моркови, пиперки, краставици, рукола, маслинки
• Димено сирење, тврдо, биено сирење, моцарела, кашкавал (по желба ги бирате состојките)
• Крем сирење или некој друг намаз по желба како наут, песто итн.
• Свежо лукче, путер, зачини по желба

Начин на подготовка:

1. Доколку сакате пикантни канапеa и планирате да ги сервирате топли, најдобро е исечканите парчиња леб да ги намачкате со тенок спој путер и лук. Потпечете ги сосема малку (1-2) минути во загреана рерна и може да започнете со нанесување на состојките, по сопствена желба.

*Доколку пак планирате да ги сервирате ладни слободно скокнете го чекорот со потпекување на лепчињата. 

2. Нанесете намаз – крем-сирење, песто или наут, а можете да ставите дури и паштета (пилешка или од туна).

3. Потоа ставете сувомеснато по избор, а врз него кашкавал или сирење по избор. Декорирајте со шери домати, кругови краставички или моркови, рукола, сечкана пиперка, магдонос, маслинки… и нанесете зачини по желба (сол, црвен или црн пипер, куркума, итн.)

Погледнете ги следните неколку идеи за декорација и инспирирајте се за вашите следни канапеа:

 

(О)Милена | Црнобело