Рецепт во едно тавче: потпечени макарони со колбаси, кашкавал и вино

Вкусни, кремави, со многу кашкавал и дискретен вкус на вино, ова ќе стане вашиот омилен рецепт за подготовка на макарони. Најдоброто нешто – не мора да валкате еден куп садови, рецептот се подготвува во едно тавче.

Направете ги највкусните макарони за вас и вашето семејство:

Потребни состојки:

• 1 лажица маслиново масло
• 250 g колбас по желба (најдобро е лути колбаси, но доколку не јадете луто слободно ставете друг тип)
• 700 g готов сос од тегла (вкус по желба)
• 4 чешниња лук, ситно исечкан
• ¼ лажичка црвен пипер
• 1 лажичка оригано
• Сол, бибер
• ½ шолја рендан кашкавал
• 500 g макарони
• ½ шолја црвено вино
• ½ шолја вода
• 2 шолји рендана моцарела (или дополнителен кашкавал по избор)

Начин на подготовка:

1. Загрејте ја рерната на 200 °С.

2. Во огноотпорно тавче кое може да се стави и во рерна, ставете 1 лажица маслиново масло на средна температура.

3. Додадете го сечканиот колбас на парченца и гответе 5-7 минути додека добро не се зарумени.

4. Додадете го лукот, црвениот пипер, ориганото, сол и бибер по вкус и мешајте околу 30 секунди додека добро не се соединат вкусовите.

5. Истурете го готовиот сос, макароните, водата и виното како и ренданиот кашкавал и добро измешајте.

6. Покријте го тавчето со капак или со алуминиумска фолија доколку немате капак и печете во загреана рерна околу 45 минути.

7. Извадете го тавчето од рерната. Посипете ги макароните со преостанатиот дел од ренданиот кашкавал или моцарела (по ваша желба) и вратете го тавчето да се допече уште 5 минути без капак или фолија.

(О)Милена | Црнобело