Домашно лепче од 3 состојки по рецепт на Џејми Оливер

Џејми Оливер со едноставен рецепт овојпат ви го олеснува карантинот и ви ја скратува потребара за често излегување и купување тазе леб.

Ви требаат само 3 состојки и почетнички вештини во кујната.

Потребни состојки:

• Вода
• 7g сув квасец
• 1kg брашно, плус уште малку за посипување додека месите

Подготовка:

Во голем сад ставете 650ml млака вода. Додадете го квасецот и мешајте со виљушка неколку минути.

Додадете го брашното и доколку сакате, малку сол. Со виљушката мешајте додека не добиете густа смеса.

Потоа со чисти раце направете топче тесто, додавајќи брашно за да не ви се залепи на рацете.

Месете 5 минути, односно додека не добиете еластично тесто. Обликувајте по желба, ставете го во тава за печење која претходно ќе ја посипете со брашно и покријте со влажна крпа.

Нека нарасне 1 час или час и половина, на потопло место.

Откако тестото ќе нарасне измесете го уште еднаш на рамна површина, за да ги отстраните дупчињата воздух.

Постапката може да ја повторите уште еднаш.

Загрејте ја рерната на 180 степени. Печете околу 35 минути.

М. Д. | Црнобело